Saaluthillave

ಒಂದೇ ಸಮನೆ ನಿನ್ನಾ ನೋಡುತಿದ್ದ ಮೇಲೂ

ತುಂಬ ಸಲುಗೆಯಿಂದಾ ಬೆರೆತು ಹೋದ ಮೇಲೂ

ಪಕ್ಕದಲ್ಲಿ ಕುಳಿತುಕೊಂಡು

ನಿನ್ನ ಮೈಗೆ ಅಂಟಿಕೊಂಡು

ಉಸಿರು ಉಸಿರು ಬೆಸೆದ ಮೇಲೂ

ಸಾಲುತಿಲ್ಲವೇ ಸಾಲುತಿಲ್ಲವೇ

ನಿನ್ನ ಹಾಗೆ ಮತ್ತು ಬೇರೆ ಇಲ್ಲವೇ

ಸಾಲುತಿಲ್ಲವೇ ಸಾಲುತಿಲ್ಲವೇ

ನಿನ್ನ ಹಾಗೆ ಮತ್ತು ಬೇರೆ ಇಲ್ಲವೇ

ಮುಂಜಾನೆ ನನ್ನ ಪಾಲಿಗಂತೂ ಸಾಲೋಲ್ಲ

ಮುಸ್ಸಂಜೆ ತನಕ ಸನಿಹವಂತೂ ಸಾಲೋಲ್ಲ

ನನ್ನಾಸೆ ಅನಿಸಿಕೆ ನಾ ಹೇಳಲು

ನಿಘಂಟು ಪದಗಳೇ ಸಾಲೋದಿಲ್ಲ

ನಿನ್ನೊಲವ ಚೆಲುವ ಅಳೆವ ಕಣ್ಣು ಸಾಲೋದಿಲ್ಲ

ನನ್ನೊಲವ ಬರೆವೆ ಗಗನ ಹಾಳೆ ಸಾಲೋದಿಲ್ಲ

ಋತುಗಳೆಲ್ಲ ತಿರುಗಿ ಹೋಗಿ

ಸಮಯ ಹಿಂದೆ ಸರಿದು ಹೋಗಿ

ಮೊದಲ ಭೇಟಿ ನೆನೆದಾ ಮೇಲೂ

ಸಾಲುತಿಲ್ಲವೇ ಸಾಲುತಿಲ್ಲವೇ

ನಿನ್ನ ಹಾಗೆ ಅಮಲು ಬೇರೆ ಇಲ್ಲವೇ

ನಿಸರ್ಗ ಹೇಳುತಿರುವ ಶಕುನ ಸಾಲೋಲ್ಲ

ಸಲ್ಲಾಪದಲ್ಲೂ ಇರುವ ಸುಖವು ಸಾಲೋಲ್ಲ

ಆಯಸ್ಸು ಹೆಚ್ಚಿಗೆ ಸಾಲೋದಿಲ್ಲ

ನೂರಾರು ಜನ್ಮವು ಸಾಲೋದಿಲ್ಲ

ನನ್ನೊಳಗೆ ಇರುವ ರಾಶಿ ಕನಸು ಸಾಲೋದಿಲ್ಲ

ನನಸಾಗಿಸೋಕೆ ದೈವಗಳು ಸಾಕಾಗೋಲ್ಲ

ಏಳು ಸ್ವರವು ಮುಗಿದ ಮೇಲೂ

ಕಾಡುವಂಥ ನನ್ನ ನಿನ್ನ ಯುಗಳ ಗೀತೆ

ಮುಗಿಯೋದಿಲ್ಲ

ಸಾಲುತಿಲ್ಲವೇ ಸಾಲುತಿಲ್ಲವೇ

ನಿನ್ನ ಹಾಗೆ ಅಮಲು ಬೇರೆ ಇಲ್ಲವೇ

ಶ್ವಾಸದಲ್ಲಿ ನೀನು ವಾಸವಿದ್ದ ಮೇಲೂ

ನನ್ನ ಹೃದಯವನ್ನು ಹಾಯಾಗಿ ಕದ್ದ ಮೇಲೂ

ಎರಡು ಹೃದಯ ಬೆರೆತ ಮೇಲೂ

ಹಾಡು ಮುಗಿದು ಹೋದ ಮೇಲೂ

ಮೌನ ತುಂಬಿ ಬಂದ ಮೇಲೂ

ಸಾಲುತಿಲ್ಲವೇ ಸಾಲುತಿಲ್ಲವೇ

ನಿನ್ನ ಹಾಗೆ ಮತ್ತು ಬೇರೆ ಇಲ್ಲವೇ