Paravashanadenu

ಪರವಶನಾದೆನು ಅರಿಯುವ ಮುನ್ನವೇ

ಪರಿಚಿತನಾಗಲಿ ಹೇಗೆ ಪ್ರಣಯಕು ಮುನ್ನವೇ

ನಿನ್ನ ಕಣ್ಣಿಗಂತು ನಾನು ನಿರುಪಯೋಗಿ ಇಗಲೂ

ಇನ್ನೂ ಬೇರೆ ಏನು ಬೇಕು ಪ್ರೇಮಯೋಗಿಯಾಗಲು

ಹೂ ಅರಳುವ ಸದ್ದನು ನಿನ್ನ ನಗೆಯಲ್ಲಿ ನಾ ಕೇಳಬಲ್ಲೆ

ನನ್ನ ಏಕಾಂತವನ್ನು ತಿದ್ದಿ ಕೊಡು ನೀನೀಗ ನಿಂತಲ್ಲೇ

ನಾನೇನು ಅಂದರೇನು ನನಗಿಂತ ಚೂಟಿ ನೀನು

ತುಟಿಯಲ್ಲಿಯೇ ಮುಚ್ಚಿಟ್ಟುಕೋ ಮುತ್ತೊಂದನು ಕದಿಯುವ ಮುನ್ನವೇ

ಪರವಶನಾದೆನು ಅರಿಯುವ ಮುನ್ನವೇ

ಪರಿಚಿತನಾಗಲಿ ಹೇಗೆ ಪ್ರಣಯಕು ಮುನ್ನವೇ

ಕನಸಲಿ ತುಂಬ ಕೆಟ್ಟಿರುವೆನು ನಿನ್ನನು ಕೇಳದೆ

ರೆಕ್ಕೆಯ ನೀನು ಕಟ್ಟಿರಲು ಈ ಹೃದಯವು ಹಾರಿದೆ

ನನ್ನ ಕೌತುಕ ಒಂದೊಂದೆ ಹೇಳಬೇಕು

ಆಲಿಸುವಾಗ ನೋಡು ನನ್ನನೇ ಸಾಕು

ಸಹವಾಸ ದೋಷದಿಂದ ಸರಿಹೋಗಬಹುದೇ ನಾನು

ನನಗಾಗಿಯೇ ಕಾದಿಟ್ಟುಕೋ ಹಠವೊಂದನೂ

ಕೆಣಕುವ ಮುನ್ನವೇ

ಪರವಶನಾದೆನು ಅರಿಯುವ ಮುನ್ನವೇ

ಪರಿಚಿತನಾಗಲಿ ಹೇಗೆ ಪ್ರಣಯಕು ಮುನ್ನವೇ